當然事前先上官方網站了解一番, 網站的宣傳口號的確非常吸引~ 堅稱做完後可以3年不老.
就抱著會被人SELL的心態去試做一下.
就先說下個人的情況:
年齡: 過了25歲, 未到30
皮膚性質: 敏感性
膚色:偏白
星期一至五返工都會化妝, 平時會落妝, 早晚洗臉, 兩三日敷一次面膜, 一星期去一次角質.
有少許角質容易積聚左鼻翼邊位, 容易有間粒, 開始有幾點雀斑
這次我選了在朗豪坊的分店試做，
到步後, 很親切感覺臉帶笑容的 Reception 先招呼我們在梳化坐下, 清潔的姐姐走過來問要喝點甚麼. 有數款中式飲料選擇, 如:竹蔗茅根、花蜜、酸梅茶
接著Reception帶著一部平板來, 著我先填寫個人資料及一些生活習慣, 如用開的護膚品牌子, 有沒去美容中心做開等等...
填好後等了一會, 就有一位穿著白袍, 聲稱是治療師的人帶我去了一間房間, 她先介紹一下公司的療程, 原來總共有3-4個STEPS 的療程, 每個STEP最少做12次, 先可以達至3年不老.
而今次試做, 只係第一個STEP - CPS 更生活膚療程, 先看一次官網介紹:
不過簡單一點來說: 就是利用水基酸去角層.
作介紹的治療師帶了我去一間細少的美容室, 就一張床, 有個洗手盆和 一個身位的通道.
不過由另一位治療師幫我做這個療程.
本身我帶有淡妝去，治療師先替我落妝洗面，再測試皮膚會否對水基酸發生敏感反應. 的確鼻翼邊位挺"拿"的, 她說因為角質多同可能比較敏感, 之後做會搽少D係個D位.
她先用毛巾幫我包好晒成塊臉圍住晒成塊面, 然後搽上水基酸, 成個過程都係坐起身.
水基酸的氣味, 同我家中用層枝去角質的味差不多, 有理由想信, 依度個D 只係濃度比較高.
(我用開個枝去角質係韓國出品, 又平又好用又易買, 遲下開POST介紹)
因為過左陣要噴中和液, 之後印乾再吹一下風扇.
搽番D LOTION 就俾番鏡我照, 第一下係......落妝都落得唔乾淨.
做完同無做都唔見有咩分別.
治療師話頭兩三日唔係做磨沙, 過左3日後先做深層清潔.
做完後, 介紹個位治療師又帶番我去作講解個間房,
當然讚完你一番, 就繼續不停SELL.
一次過叫你JOIN PACKAGE, 有埋Step 2 & Step 3
一個月去一次, 再次做兩個STEPS, 先係1+2, 之後就2+3.
NON-PEAK HRS去, 計完優惠, 成個療程大概就係六七萬蚊.
佢唔賺到盡, D人工又點可能PAY咁高, 又邊有多錢賣廣告, 請代言人.
話落去行下諗下想甩身時, 佢仲叫你俾$200蚊, 覺得我有誠意做, 只係需要時間消化下=_=
當然睬佢都傻, 照開門照走. 追埋出黎繼續氹你諗下, 優惠過左今日就無.
初時體驗完說有贈品送, 不過最後是甚麼都沒有的.
依間公司仲搵左好多打手, BLOGGER分享, 不過我只實話實說, 把親身的體驗SHARE出來, 等大家唔好中伏而已.
免責聲明:
本文章所發表的全部內容均屬個人意見及感受，並不代表該品牌之言論及立場。
如需協助或希望獲得更多有關產品資訊, 請直接聯絡該品牌查詢或尋求相關專業意見。
如從而引起任何損失或法律糾紛，本人概不負責。
希望大家喜歡我的分享！
